بوراك من مطبخي

موضوع: بوراك من مطبخي 2013-01-17, 00:23

بسم الله الرحمن الرحيم

هادي طريقتي الخاصة فالبوراك ما نحبش البصلة فالبوراك تجي ثقيلة و ميدمة و بدل ما نعمل البطاطا وحدها نخلط بطاطا و روز حتى ما تجيش ثقيلة كيما البطاطا وحدها

[ندعوك للتسجيل في المنتدى أو التعريف بنفسك لمعاينة هذه الصورة] البوراك نتاعي ماكانش لي ما يحبوش و كون الواحد ياكل 10 حبات منو ما يتخم ما يشبع لا خاطر بيييييين و خفييييييييييييييف

المقادير :

2 حبات بطاطا مقشرة و مغلية في ماء سخون مملح ثم تصفى جيدا و تتهرس مع نصف ملعقة طماطم مصبرة

كاس روز متوسط يغلى في ماء سخون مع كمية مليحة من الملح لما يغلي الماء نحركوه جيدا ثم ننقص النار و نخليه يطيب في راحتو حتى يطيب مليح و تبقا كل حبة وحدها , لما يطيب نصفيوه و نشللوه بكاس ماء بارد و نخليوه يقطر

كمشة زيتون اخضر مقطع رقيق

بيضة واحدة

لحم مرحي نقليوه في شوية زيت مع فلفل اسود و ملح على نار قوية باه تغير لونو بسرعة و ما يطلقش الماء و اللحم المرحي على قد ما طوليلو الطياب يولي قاسي

جبن طري

و الباقي بالشرح مع الصور

[ندعوك للتسجيل في المنتدى أو التعريف بنفسك لمعاينة هذه الصورة]

نضيف البيضة للمكونات السابقة

[ندعوك للتسجيل في المنتدى أو التعريف بنفسك لمعاينة هذه الصورة]

نخلط المقادير مع بعض و شوف لا خاصها ملح نزيد

[ندعوك للتسجيل في المنتدى أو التعريف بنفسك لمعاينة هذه الصورة]

الخطفة نلفها على بعضها و نقسم فالمنتصف

[ندعوك للتسجيل في المنتدى أو التعريف بنفسك لمعاينة هذه الصورة]

ندهن الحاشية بشوية جبن و نطبق الحاشية الدائرية

[ندعوك للتسجيل في المنتدى أو التعريف بنفسك لمعاينة هذه الصورة]

نحط ملعقة كبيرة فقط من الحشو و فوقها الجبن و نغلق و ننلف بشكل مثلث

[ندعوك للتسجيل في المنتدى أو التعريف بنفسك لمعاينة هذه الصورة]

هاذي الحبة لما نخلصو شكلها مثلث

[ندعوك للتسجيل في المنتدى أو التعريف بنفسك لمعاينة هذه الصورة]

و نكمل بنف الطريقة حتى نكمل جميع الكمية و نبدا فالقلي

[ندعوك للتسجيل في المنتدى أو التعريف بنفسك لمعاينة هذه الصورة]

نحط الزيت في مقلاة و نخليه يسخن ثم نضع الحبات لازم الزيت يغطيها حتى يطيبو لحواشي مليح و نقليها على نار قوية لأنو كلشي طايب و البيضة راح تطهى بفعل الحرارة العالية

[ندعوك للتسجيل في المنتدى أو التعريف بنفسك لمعاينة هذه الصورة]

من جهة اخرى نحضر صفاية و نغطيها بورق ماص لمص الزيت الزائد

[ندعوك للتسجيل في المنتدى أو التعريف بنفسك لمعاينة هذه الصورة]

لما تتحمر من الاسفل قليلا نقلبها على الوجه الاخر حتى تطهى متساوية و مرة على مرة نقلبها حتى تطهى ذهبية محمرة و يكون لونها جميل

[ندعوك للتسجيل في المنتدى أو التعريف بنفسك لمعاينة هذه الصورة]

نحوها من المقلة مباشرة فوق الورق حتى يمتص الزيت الزائد ثم نقدمه

[ندعوك للتسجيل في المنتدى أو التعريف بنفسك لمعاينة هذه الصورة]

هاذا البوراك واجد اممممممممممممم الريحة تهبل و القرررررررررررررمشة

[ندعوك للتسجيل في المنتدى أو التعريف بنفسك لمعاينة هذه الصورة]

هاذا ليك اختي nousa 06 بصحتك

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: بوراك من مطبخي 2013-01-17, 18:29

انا خلاص يا اكرام

تلأكدت بلي راكي ناوية تقتليني

بوراااااااااك ؟؟

علابالك بلي روحي و عشقي هو البوراك ؟؟

مع ان الطريقة مختلفة تماما لانو حنا نديرو تاع التونة منحبوش تاع اللحم و منديروش الروز خلاص

لكن شهيتيني لانه يبقى بوراك

يعطيك الصحه على الوصفة بصح اشفاي عليها تمدي لنوسة هادي منعرف شكون و حنا لالا

آه يا قدور الغدووووووووور

موضوع: رد: بوراك من مطبخي 2013-01-20, 00:20

خخخخخخخخخخخخخخخخخ هاديك بنت سلفتي نسيبة ما تغريش

هزي و ما تحشميش يخي راني نطيب للدار و ناس الدار

» بوراك بالتوووووونة من مطبخ درة
» الشواااااااااااااء من مطبخي
» المادلان من مطبخي
» محجوبة من مطبخي
» بسبووووسة من مطبخي