قاطو لي روشي

موضوع: قاطو لي روشي 2013-10-04, 19:31

وصفة قاطو لي روشي

اي عجينة تبقالك انا بقاتلي عجينة البقلاوة استعملتها
ممكن عجينة العرايش او المشكلة او عملتي كمية كبيرة من الصابلي انا مرات لما نتعب و نعمل كمية كبيرة من القاطو نقسم العجينة لي تبقى كويرات قد البيضة و نحط كل وحدة وحدها في كيس و نخليها فالمجمد
و مرات مثلا فالاعياد لما تبقالي كمية من عجينة العرايش و كمية من البقلاوة و كمية نوع آخر بنفس الطريقة نقسمهم كويرات صغار نحطهم فالمجمد و بعد العيد لما يخلاص القاطو نعمل بيهم لي روشي

نخرج العجينة تطرى قليلا و نبشها في لاراب الجهة الخشنة نتاع البصل

[ندعوك للتسجيل في المنتدى أو التعريف بنفسك لمعاينة هذه الصورة]إضغط هنا لرؤية الصورة بحجمها الطبيعي.

[ندعوك للتسجيل في المنتدى أو التعريف بنفسك لمعاينة هذه الصورة]

إضغط هنا لرؤية الصورة بحجمها الطبيعي.

و نباعدها على بعض لازم نعمل كمية جد قليلة فالصينية قدر ما تتفرش فقط و ندخلها فرن 200° حتى تصبح ذهبية نخرجها و نتركها تبرد حتى نكمل كل الكمية

نذوب شكولا مع قليل من القهوة انا ندوبها فالقدر مباشرة يكون من النوع لي ما يلصقش

نخليها تتماسك و تبرد قليلا و نسكب هاداك القاطو بعد ما برد و نخلط بهدوء من فوق لتحت حتى يتبل كامل بالشكولا و ما يتكسرش

نتركها تبرد قليلا ثم نفرغها في الاوراق تكون دائرية باستعمال زوج مغارف كبار
انا خلاصولي الاوراق الدائرية بقاولي ليكيسات شكلهم مثلث استعملتهم بما انو الحلوى للدار فقط

[ندعوك للتسجيل في المنتدى أو التعريف بنفسك لمعاينة هذه الصورة]إضغط هنا لرؤية الصورة بحجمها الطبيعي.

[ندعوك للتسجيل في المنتدى أو التعريف بنفسك لمعاينة هذه الصورة]

إضغط هنا لرؤية الصورة بحجمها الطبيعي.

و تخليه يبرد و يتماسك يوم كامل و الغد يستهلك يجي يقرمش و ذوق الشكولا امممممممممممممممممم

انا هاذا ضفتلو شوية كوكاو مرحي متوسط و انا نخلط

انا عطيتكم افكار لاني وعدت مرة اخت نعطيها وصفة لي روشي لما سألت على العجينة الفاضلة واش تقدر دير بيها و نسيت تماما و ما تذكرت الا لما عملتو

مرات نضيف للقاطو شوية جوز مرحي يعطيه بنة تهبل
مرات حلوة الترك مفتتة

كل مرة و كيفاه نخدمو

يجي شكلو مثل لي روشي لكن بنييييييييييييييين و احسن ما تقلي العجينة كل مرة لما تبقالك زوج طراف شكولا تعملك كمية ماشاء الله

[ندعوك للتسجيل في المنتدى أو التعريف بنفسك لمعاينة هذه الصورة]إضغط هنا لرؤية الصورة بحجمها الطبيعي.

[ندعوك للتسجيل في المنتدى أو التعريف بنفسك لمعاينة هذه الصورة]

إضغط هنا لرؤية الصورة بحجمها الطبيعي.

الصورة النهائية راحتلي الظاهرة تمسحت

المهم نقولكم القاطو هذا اقتصادي و بنييييييييييييين

و ايضا تقدري ترابي العجينة و لما تبرد تحطيها فالمجمد في عدة علب صغيرة قد ما تعملي صحن

و لما يجيك ضيف على غفلة تجبدي القاطو المبروش و تكوني ذوبتي الشكولا في حمام مائي تخليها تبرد قليلا و تخلطيلها القاطو الجامد رح تبرد و تتماسك مباشرة و حطيها فالكيسات دخليه الثلاجة يزيد يبرد فالوقت لي الحليب راهو يفيض

و تراااااااااااااااا الحليب و الحلوى راهم واجدين

موضوع: رد: قاطو لي روشي 2013-10-04, 19:34

يعطيك الصحة كرومة والله طباخة ماهرة

موضوع: رد: قاطو لي روشي 2013-10-04, 22:49

فكرة هايييييييييييييييييييييييييييييييييييييييييلة

ان شاء الله نجربها في العيد

اكرام القاطو اللي تخبيه في العلب يكون طايب ؟

يعطيك الصحة

موضوع: رد: قاطو لي روشي 2013-10-04, 22:54

واش راكي امينة واش احوالك

هيه حنونة يكون طايب

و تقدري حتى تستعملي الفتات و لا كاش قاطو ما عجبكش شكلو رابيه غير بلعقل ذوبي شكولا و من بعد خليها تبرد و تحكم روحها شوية و خلطي مع القاطو

تقدري تخليه هكذاك الشكولا وحدها راهي بنينة

تقدري دردري المكسرات مرحية من فوق ولا حلوة الترك

كيما تقدري تخلطيه و نتي تخلطي فالشكولا لداخل

استناي ما تروحيش درك نجي

موضوع: رد: قاطو لي روشي 2013-10-04, 23:06

الحمد لله ^_^

افكار مليحة بعطيك الصحة

انا مرات ندير بزاف ونضطر نكملو

ربي يعطيك ما تتمناي

راني نستنى فيك

موضوع: رد: قاطو لي روشي 2013-10-05, 22:15

مممممممممممممممم قدووور تصدق بلي اول مرة نشوف هذا الوصفة ؟؟؟

بصح هاااااااااااااايل و كيما قلتي اقتصادي

يعطيك الصحه

» قاطو المحقن بطريقتي الخاصة
» قاطو لبنين من مطبخي ساهل و بنين
» قاطو العيد من داري و بيدي لأول مرة ههههههههههه